सेन्ट्रल एशियन भलिबल असोसिएसनले आयोजना गरेको 'काभा विमिन्स नेसन्स लीग'मा नेपालको राष्ट्रिय महिला भलिबल टोलीले भारतीय टोलीमाथि ऐतिहासीक जित हासिल गरेको छ।
जितसँगै नेपालको फाइनल पुग्ने सम्भावना बढेको छ। नेपालले अब इरान र माल्दिभ्ससँग प्रतिस्पर्धा गर्न बाँकी छ।
नेपाल आयोजक रहेको प्रतियोगितामा भारत, श्रीलङ्का, माल्दिभ्स र इरान सहभागी छन्। त्रिपुरेश्वर स्थित राष्ट्रिय खेलकुद परिसरको कभर्डहलमा शनिवार नेपालले भारतलाई ३-२ को सेटमा पराजित गर्यो।
यसअघि बिहीवारको उद्घाटन खेलमा श्रीलङ्कालाई पराजित गर्दै नेपालले विजयी यात्रा सुरु गरेको थियो।