नेपालमा अमेरिकन अस्तु : अमेरिकी नागरिक लोरेटा ले आफ्नो श्रीमानको अस्तु पोखराको सराङकोटमा विसर्जन गरेकी छन् ।
पोखरा, [मिति] – अमेरिकी नागरिक लोरेटा आफ्ना दिवंगत श्रीमान् फिलको अन्तिम इच्छा पूरा गर्न नेपाल आएकी छिन्। पोखराको प्रख्यात पर्यटकीय तथा धार्मिक स्थल सराङकोटको डाँडाबाट उनले श्रीमान्को अस्तु विसर्जन गरिन्।
लोरेटाका अनुसार,आफ्ना श्रीमान फिलले जीवनकालमै नेपाल र नेपालको धार्मिक एवंम ऐतिहासिक महत्व सगै प्राकृतिक सम्पदाहरु अत्यन्त मन पराउने गरेका थिए। “श्रीमान् फिलले मेरो अस्तु नेपालमै विसर्जन गरिदिनू भनेर अन्तिम ईच्छा व्यक्त गर्नुभएको थियो,” उनले भनिन्, “त्यसैले उहाँको इच्छाअनुसार म उहॅाको अस्तु सेलाउन नेपाल आएकी हुँ।”
सराङकोट, जुन मनोमहक हिमाली र पाहाडी दृश्यावलोकनका लागि प्रसिद्ध छ, धार्मिक तथा सांस्कृतिक रूपमा पनि विशेष मानिन्छ। नेपाली संस्कृति अनुसार, दिवंगत आत्माको चिरशान्तिका लागि पवित्र स्थानमा अस्तु विसर्जन गर्ने परम्परा रहेको छ।
नेपालका हिमाल, प्रकृति र संस्कृतिप्रति विशेष मोह राख्ने फिलका लागि सराङकोट नै उपयुक्त स्थान हुने ठानेर लोरेटाले यो स्थान रोजेको बताइन्। विसर्जनका क्रममा उनले भावुक हुँदै स्वर्गीय श्रीमान्को सम्झना गरेकी थिइन्।
नेपालको प्राकृतिक सौन्दर्यले मात्रै नभई यहाँको आत्मीय संस्कृतिले पनि धेरै विदेशी पर्यटकलाई विशेष सम्बन्ध गाँस्न प्रेरित गरेको छ। लोरेटाको यो यात्राले प्रेम, सम्झना र अन्तिम इच्छाप्रति सम्मानको उदाहरण प्रस्तुत गरेको छ।
(तस्वीर: जमुना वर्षा शर्मा/रासस)